АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јули 09, 2026
Анета Блажевска
ГОСТИ ОД ФЕСТИВАЛОТ НА МОНОДРАМА НА ПРИЕМ КАЈ ГРАДОНАЧАЛНИКОТ НА БИТОЛА
Битола по 27 пат е домаќин на Интернационалниот фестивал на Монодрама кој годинава се одржува под мотото „Огледало на вистината“
Уметничкиот свет, учесници на фестивалот беа примени од градоначалникот на Битола Тони Коњановски.
„Задоволство беше да се поразговара со нив, особено да ги слушнам нивните впечатоци од престојот во Битола и од програмата од која се дел на овој фестивал“ истакна градоначалникот.
Директорот на Центарот за култура Сашо Илковски со уметниците од Романија, Казахстан/Данска, Бугарија, Украина/Полска, Грузија, Египет, Италија, Ерменија и од Македонија, ја искажаа благодарноста за гостопримството и за поддршката која Општина Битола ја дава на овој значаен фестивал.
Коњановски со отчет - РЕАЛИЗИРАМЕ НАД 80 ПРОЕКТИ, ПРОБЛЕМИ ИМА, НО СЕ РЕШАВААТ СО КОНТИНУИРАНА РАБОТА-
Април 27, 2026Вешти лица сведочеа како екс директорката Елена Спасеновска го исплаќала пензионерот Менде Петровски и раководела со државните пари
Април 27, 2026На ридот кај „Авионите“ во Битола се дила и ужива дрога - упасени две момчиња од село Трап и еден прилепчанец
Април 27, 2026БИТОЛА МЕЃУ ТОП 5 ЛОКАЦИИ ВО ЕВРОПА КОИ ВРЕДИ ДА СЕ ПОСЕТАТ
Веб сајтот timeout.com, за кој работат локални новинари и експерти и кој е дел од компанијата Time Out, основана уште во 1968 во Лондон, објави статија со наслов „Најпотценетите дестинации во Европа за 2026 година – скриени бисери подалеку од толпите“. На оваа листа, од предложените 24 локации, Битола се наоѓа на четвртото место како прекрасна дестинација за голем број посетители кои може да уживаат во прекрасната архитектура и во познатиот град на конзулите да ја почувствуваат историјата која блеска од секој агол.
Повеќе информации за оваа статија може да се прочитаат на следниот линк https://www.timeout.com/europe/travel/most-underrated-travel-destinations-europe.
Токму ваквиот контекст со кој Битола станува европски и светски препознатлива е потврда за оправданоста на инвестициите со кои локалната самоуправа неодамна инвестираше во осветлување на најпознатата и најамбиенталната улица во Битола, Широк Сокак (https://www.facebook.com/share/v/1DGKwr4T45/).
Исто така, оваа локална самоуправа после 10 години, во 2023 година, изготви нова Стратегија за локален економски развој, со која беа детектирани сите недостатоци и потреби за економски и туристички напредок на Битола, вклучувајќи и инвестиции во потепелистерието кои се од голема важност за промоција на Битола како туристичка дестинација.
Овој стратешки документ (https://www.bitola.gov.mk/wp-content/uploads/2024/11/Стратегија-за-локален-економски-развој-2023-2027.pdf), во значителна мера придонесе за воочување и на голем број проблеми на терен за кои претходно недостасуваа податоци, што подразбира изработка на нови и измени и дополнувања на затекнати проектни документации.
Ваквите објави кои ја промовираат Битола во своето најдобро светло, истакнувајќи ја убавината на нејзината архитектура и пелистерското богатство, претставуваат силен мотив за нови инвестиции, дури и кога тоа подразбира повеќегодишна и макотрпна работа.
Димитар Атанасовски апсолвент на Педагошкиот факултет во Битола ја доби награда за „Најдобар труд на студентската конференција“
Април 26, 2026Димитар Атанасовски апсолвент на Педагошкиот факултет во Битола ја доби награда за „Најдобар труд на студентската конференција“, организарано од Универзитет „Св. Климент Охридски“ - Битола, а поддржано од Амбасадата на Народна Република Кина.
Атанасовски е поранешен претседател на Универзитетското студентско собрание на УКЛО, а на настанот во Битола присуствуваше и амбасадорката на Народна република Кина Нејзината Екселенција Џијанг Сјаојан (Jiang Xiaoyan).
„Една од компонентите кои го составуваат студентот е истражувањето и придонесот кон науката и затоа се пријавив да учествувам на годишната студентска конференција УКЛО КОЛОРС која се одржа на 17 декември 2025 година. Таму учествував со научен труд со наслов „Word Shortenings in Gen Z Slang:IYKYK“ под менторство на д-р Елена Шалевска. Најдобрите резултати се објавуваат во списанието „Нови хоризонти“, но оваа година како и минатата, најдобрите трудови се наградени со признание „Најдобар труд на студентската конференција“ и парична награда од 8.000 денари“, изјави Атанасовски за АПЛА.
Оваа награда се доделува на студентите во три категории: Прва категорија - Студентска извонредност; Втора категорија - Највисок успеј во студирањето; Трета категорија - Најдобар труд на студентската конференција.
„Сите овие награди се доделени со поддршка на Амбасадата на Народна Република Кина на отворениот ден организиран на мојот Универзитет „Св. Климент Охридски“ - Битола. Наградата за мене претставува мотивација за продолжеток со истражувачката дејност како и признание за зачетокот на својата истражувачка кариера. Особено сум благодарен до својот ментор и до својот универзитет кој втора година по ред организира вакво наградување за студентите со поддршка од Амбасадата на Народна Република Кина. Со ваквите настани се поттикнуваат и охрабруваат студентите и се доказ дека Универзитетот чекори на правиот пат. Инаку, мината година кога воедно беше организирано за прв пат вакво доделување, бев добитник на наградата „Највисок просек во студирањето“, изјави апсолвентот Димитар, додавјќи дека ваквите моменти се тие што им даваат мотивација на еден студент и млад човек да продолжи да работи повеќе и да напредува.
Анета Блажевска
"Буџовани“ со хациенди ја опструираат изградбата на автопатот Прилеп- Битола, тврди Николоски
Април 25, 2026Има проблем во изградбата на автопатот Прилеп-Битола и тој проблем наводно бил во вилите што биле изградени од богати луѓе во близината на Прилеп. Ова го тврди вицепремиерот и министер за транспорт, Александар Николоски, во разговор за „Курир“.
„Имаме само една опструкција. Се работи за десетина сопственици на диво изградени вили и хациенди со базени во околината на Прилеп. Имајќи предвид дека на целата траса помеѓу Битола и Прилеп затоа што е рамничарска положбата, поминува низ Пелагонија, не може да се најде материјал со којшто може да се гради овој автопат. Локацијата е во близина на месноста Ореовец. Таму има десетина буџовани кои ги штитат своите хациенди и вили и не му дозволуваат на изведувачот да пристапи кон наоѓалиштето, иако тоа му го дозволуваат на приватниот изведувач којшто има наоѓалиште во соседството“, рече Николоски.
Според него, штетата за буџетот може да достигне до 100 милиони евра, бидејќи морало да се купува материјал од приватни каменоломи и да се плаќа за транспорт. Тие пари, според него може да се вложат во регионот за трансформација. „Јасно е таму дека има агенди, само се прашувам дали се агендите бизнис и политички или се само бизнис“, вели Николоски.
Најчитани
