Турата започна вчера од Инфо центарот на Пелистер, а се возеше до Големо Езеро. Таму попладнето се одржа забава со свирка во живо и дружба меѓу учесниците. Велосипедистите преспаа во домот на Големо Езеро.

Турата продолжи денес со тоа што дел од учесниците возеа кон Антена и спуст до Инфо Центарот, односно крос кантри тура, а други возеа во потешката тура кон Ниже Поле преку Дебел Рид.

Планинарско-спорткиот клуб „Пелистер“ им излезе во пресрет и со џипиви им помогна да се пренесе опремата, храна, ранци и друго..

Ваквите тури успеваат да го испромовираат Пелистер како одлична дестинација за планински велосипедизам и да поттикнат што повеќе млади да се занимаваат со велосипедизам и планинарење, односно да возат здрав начин на живот.