Изграден е новиот полигон за полгање на практичниот дел од возачкиот испит во Битола. Тој е донација од Сообраќајниот испитен центар „АМ ДООЕЛ- Битола“, земјиштето на кое ќе биде сместен, на излезот од градот кај населбата Горно Оризари, е во сопственост на Општина Битола, а со него ќе управува јавното претпријатие „Нискоградба“.

Со ова ќе се реши петгодишниот проблем со кој се соочуваше Битола. Градот остана без полигон во мај 2013 година, кога МВР го забрани користењето на постоечкиот поради неисполнување на стандардите. Така, битолчани пет години практичниот дел од испитите за возачи го полагаа во Прилеп и Ресен.