„Службите цела ноќ работеа на патеката. Таа е корегирана по ноќното скијање и подготвена ги дочека денешните скијачи. Двата лифта се во функција, на долниот лифт се понеискусни скиори, а на горниот поискусните. Среден е и делот каде што се санкаат децата.Стрежево без оглед дека се празници ќе работи и ќе излезе во пресрет на љубителите на белите спортови. И ќе работиме и ќе бидеме во функција за празниците“, вели Менде Граматковски, директор на ЈП „Стрежево“ кое стопанисува со Ски центарот Ниже поле.

Ноќното скијање продолжува вечер и утревечер на задоволство на битолчани и туристите дојдени од околните градови, па дури и од Скопје.