„Чарлија денес е домаќин на две пријателски држави, народи и култури. Република Бугарија обезбеди износ од 2 450 000 денари со која реконструиравме две училишта. На тој начин ги намаливме разликите и нееднаквостите помеѓу училиштата, создаваме нормални услови за живот. А и понатаму ќе се залагаме да направиме вакви училишта на територија на цела Могила“, рече градоначалничката Јасмина Гулевска.

Таа додаде дека Чарлија не случајно е избрано за донацијата бидејќи наталитетот таму се зголемува. Пред десетина години имаше само едно дете за на училиште, а сега настава посетуваат девет деца. Гулевска рече дека Могила е една од ретките општини која не е погодена од миграција.

„Видов реновирани згради кои ќе создадат повеќе комфор за овразованиот процес, поголемо спокојство за дечињата, подобра средина за рабта на учителите, а секако и поголемо спокојство за родителите. Знаме дека има уште многу нешта кои треба да се напрват, а ние како една пријателска држава ќе се потрудиме да ја продолживеме нашата помош за вас“, рече министерот за здравство на Бугарија, Кирил Ананиев.

Делегацијата донираше и компјутер во школото во Чарлија. 

Ж.З.