Александар Марковски, дипломиран менаџер по царина и шпедиција е назначен за ве-де директор на ИЗ „Жабени“ крај Битола. Марковски доаѓа директно од бизнис секторот, а претходно беше ангажиран и во неколку деловни банки во одделите за бизнис кредитирање.
-Во моментот кога го преземам работењето со индустриската зона „Жабени“ таму работи еден активен клиент со 5000 вработени, друг инвеститор е во завршна фаза на градба, а од Владата на Р. Македонија најавена е турска инвестиција за производство на машини за чистење на улици, изјави за Апла.мк, Марковски.
Марковски, како што стои во известувањето на Централниот регистар е именуван за време додека се изврши избор на директор на „Жабени“ , но не подолго од шест месеци. Претходно со „Жабени“ раководеше Сашо Илковски, кадар на ВМРО-ДПМНЕ.
АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
