Силен ветер со брзина од над 80 километри на час кој во ноќните часови ја зафати Битола ги остави битолчани без сон. Ветерот откорна гранки од дрвја, искина кабли, а на некои места однесе и керамиди од покриви. 

Според УХМР, денес се очекува облачно време со врнежи од дожд, на места поројни и пообилни (над 20 л/м2) проследени со силен ветер кој ќе достигнува брзина и над 70 км/час. На планините на северозапад врнежите ќе бидат од снег, а попладне ќе преминуваат во снег и на некои повисоки места. Претпладне ќе дува умерен до засилен југозападен ветер, кој попладне ќе го промени правецот во северен и дополнително ќе засили.