Крадци фатени на дело при кражба на кабли на Телеком во Битола

Август 22, 2021

Крадци се фатени на дело при кражба на кабли и подземна инфраструктура на Македонски телеком, поради што деновиве се случуваа и прекини во услугите што компанијата ги обезбедува за своите корисници во Битола.

Со овој вандалски чин засегнати се околу 150 корисници кои имаат прекин на фиксните телекомуникациски услуги.
 
IMG e1a594d3c953e91a5826171c6d9e6bbc V
 
„Телеком жали за предизвиканите непријатности и работи на терен да се санираат штетите и услугите да бидат воспоставени за брзо време, но и се радува на брзата и успешна акција на органите “, велат од компанијата.
 
Слични кражби во Битола се случуваа и пред два месеца, но како резултат на навремената интервенција на надлежните, сторителите беа фатени многу бргу. Овој пат, тие на лице-место беа идентификувани од страна на полицијата каде овие случаи и се пријавени. 
 
Kabel 15 Centar KO 75 220621
 
Ваквите кражби предизвикуваат значителна штета на инфраструктурата, но најголема штета е нанесена на самите корисници, кои поради овие кражби остануваат без услугата.  
 
Мета на кражбите најчесто се бакарни кабли од подземната мрежа на Македонски Телеком и притоа се оштетуваат и пристапните шахти. Се верува дека кражбите се прават поради продажба на бакарот, кој има висока цена на пазарот.
 
Сподели

Login to your account

Username *
Password *
Remember Me
© 2021 АПЛА.мк. Сите права се задржани