АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Големиот пожар што попладнево избувна во мелничко-пекарскиот капацитет ,,Жето Битола" е ставен под контрола, соопшти командирот на Противпожарната единица во Битола, Горан Димковски.
,,Не се дозволи проширување на огнот на околните објекти, како магацинот и силосите со жито. Пожарникарите го догаснуваат делот од главната зграда што гореше и објектот што е до неа каде условите за гаснење се потешки. Направена е промена на екипата пожарникари кои гаснеа цели четири часа и пуштена на терен е друга екипа, рече командирот.
Во пожарот нема жртви, но причинета е голема материјална штета врз главниот објект на мелничко-пекарскиот капацитет кој е во приватна сопственост.
