Министерот за локална самоуправа, Горан Милевски денеска, на манифестацијата во градот Кавадарци по повод одбележување на големиот христијански празник Св.Трифун,  го нарече вулгарен настапот на владиката Агатангел.

-Жалам што оваа манифестација се претвори во партиска прослава на ВМРО-ДПМНЕ и што се сведе на еден вулгарен настап. Владиката Агатангел го навреди голем дел од македонското население и ја извалка мантијата под која што е. Да беше свесен што зборува, немаше да го каже тоа. Господинот Агатангел, ако може да се нарече господин, е срам и штетник за црквата и од МПЦ треба да размислат кого испраќаат на вакви настани, рече Милевски од плоштадот во Кавадарци.Според него, како што „црвите и мувите се штетни за лозарите, така и Агатангел наштетува“.

-Го величеше лидерот на опозицијата Мицкоски. Ако лидерот на ВМРО-ДПМНЕ се гордее со неговата поддршка, тогаш нека му е на чест, рече Милевски за контроверзниот говор на владиката.

Владиката Агатангел на настанот рече-Господин Мицковски с еона што го дадовме верувам дека ќе го вратиме назад. Првин со него а потоа и со божја помош. Јас верувам дека Бог , спасителот Исус Христос и мајката божја Богородица која е заштитничка на оваа света македонска земја  ќе му помогне него и на сите негови сорабоници за се она што е наше свето македонско, национално ќе го вратиме назад и нема да дозволиме некој кој не ја чувствува Макдеонија национално да ја одредува судбината на нашата македонска земја, рече владиката Агатангел.