Годинашниот лауреат на „Златна Камера 300“ за животно дело е оскаровецот Роџер Дикинс, беше соопштено на  првата прес-конференција посветена на 39-тото издание на Интернационалниот фестивал на филмска камера „Браќа Манаки“. Уметничкиот директор на фестивалот, Благоја Куновски – Доре, рече дека за големината на  годинашниот лауреат на „Златна Камера 300“ за животно дело, големиот британски и светски кинематографер, Оскаровецот Роџер Дикинс, сведочат импозантните бројки од 115 најразлични светски филмски награди и 148 номинации.