Нова јавна набавка за идеен и основен проект за гасификацијата на Битола се очекува да се распише  до крајот на оваа или на почетокот на следната недела во која ќе стои дека проектот ќе треба да ја земе предвид и топлификацијата на градот.

Општина Битола работи на усогласување на проектите за изградба на гасификација и топлификација  во Битола.  

-Во фаза на евалуација на доставените понуди од страна на ЕЛЕМ Скопје усно и писмено, Општина Битола  е информирана дека проектот топлификација на Битола е повторно актуелен.

Има ли шанса Битола да добие систем за  централно греење од РЕК-Битола? Ова е нова можност која се отвора по средбата на премиерот Зоран Заев со делегација од германската КФВ банка за подршка на развојни проекти, предводена од Кристоф Дискенс, директор на групацијата за Југоисточна Европа и Турција.