Среда во 12 часот-Промоција на книгата „Последниот лист гитарист“ од Даниела Петровска

Декември 26, 2023

На 27.12.2023 г. во 12.00 часот во Малата сала на Центарот за култура – Битола ќе се одржи промоција на книгата за деца и млади „Последниот лист гитарист“ од Даниела Петровска. 

          Личниот осврт врз книгата на авторката е: „Ова е моја прва книга за деца која е создадена низ творечки процес од повеќе години како резултат на желбата да допрам до суштинските прашања за смислата на животот по која трага секое дете откако тоа ќе се спознае себе како активен субјект во домот, на училиште, надвор кога игра со другарите или каде и да се наоѓа на друго место.  Во овие баснолики и бајковити текстови како ликови се јавуваат не само луѓето, туку и животните и предметите. Може да се рече дека тие дејствуваат во насока да ги загатнат, но и да ги разгатнат етичките, естетските и комуникациските односи на детето со „лошите“ и „добрите“ луѓе во непосредната околина. Ликовите „имаат за задача“ да ги претстават светот и животот на луѓето такви какви што треба да бидат, а не такви какви што се во реалноста која постојано треба да се анализира и да се прочистува од духовно нечистите личности.  Само на тој начин може да се одржува екологијата на духот на детето.  Тенденцијата е насочена кон тоа проблемските ситуции да се решат низ етичката лична трансформација на ликот протагонист или преку сугестијата дека таа трансформација треба да се случи и на поширок општествено-колективен план.

Нема достапен опис.

          Во книгата е изразено и секојдневието на детето во кое тоа анализира низа појави во природата кога е на прошетка со другарчињата, со родителите или со учителите и кога изразува впечатоци од доживеаните пејзажи или од несекојдневните глетки што кај него ја будат љубопитноста.  Опишани се и средби со непознати ликови  што се онирички мајстории на детските потсвесни доживувања поттикнати од секојдневните возбуди.

          

Сподели

Login to your account

Username *
Password *
Remember Me
© 2021 АПЛА.мк. Сите права се задржани