Ајнур Османовски беше прогласен за најдобар дефанзивец на меѓународното првенство што недоамна се одржа во Ниш, Србија во параолимписката игра голбал каде учествуваа репрезентации од Балканот, а Македонија беше претставена со Тимот на слепи лица од Битола. Само неколку ден подоцна овој тим стана државен првак на државаното првенство во Македонија, натпреавурвајќи се со 12 екипи при што не претрпе ни еден пораз. Прваците тренираат во спортската сала во Центарот за социјални работи во Битола која денес беше пуштена во употреба по реновирањето и опремувањето со нова спортска опрема и реквизити.

„Тренирам 21 година и за првпат го добивме ова прво место иако имаме многу освоени втори места и загубени финалиња. Тренираме во оваа сала два пати во неделата. Тренираме пред се оринетација во простор зашто ни се врзани очите и не гледаме ништо. Ја тренираме мускулатура за да имаме подобар шут. Овој спорт за мене е многу значаен, место каде ние слепите можеме да се покажеме во најдобро светло. Ни значи како фудбалот и ракометот“, рече Османовски.

Општина Битола вложи донација во опрема од 111 847 денари за да се подобарат можностите за спортско рекреативни активности за лицата со поречености. „

„Донација во опрема во вредност од 111.847 денари е обезбедена во рамки на проектот „Зајакнување на локалните капацитети за спроведување на Агенда 2030 и принципот Никој да не биде изоставен“ во партнерство со ЗЕЛС. Проектот е имплементиран од НАЛАС - Mрежа на националните асоцијации на локалните власти во Југоисточна Европа и ЗЕЛС, во соработка со GIZ, а во име на Германското Федерално Министерство за економска соработка и развој (BMZ). Во рамките на проектот, општината претходно спроведе повеќе активности, а со оваа донација која се дава на Здружението Сојуз за спорт и рекреација на инвалиди Битола во кое членуваат лица со различна попреченост, се овозможува поддршка на лицата со телесна, визуелна попреченост и потешкотии со слух и говор од аспект на обезбедување на услови за поттикнување и зголемување на нивната физичка и спортска активност, преку обезбедување соодветна опрема за тоа.  

Покрај оваа донација, со средства од oпштината од програмата за млади и спорт за 2021 се направи реновирање на Спортската сала (бојадисување, стружење и лакирање на паркетот), со што во оваа сала значително се подобрени условите за лицата со попреченост“, изјави градоначалникот на општина Битола, Тони Коњановски.

Реализацијата на овие проекти, кои се заокружуваат во пресрет на Меѓународниот ден на белиот стап – симбол на слепите лица, e во насока на зајакнување на поддршката која ја обезбедува општината за лицата со попреченост, што пак дополнително е изразено и преку програмата за социјална заштита.

Во реновирањето на просториите сопствени средства вложи и советникот Борче Корлевски, кој подолго време им помага на Здружението на слепи лица од Битола.

„Реконструкцијата ги опфати сите сегемнти од тавамнскиот дел, електриката, подот, ѕидовите и останатите делови кои повеќе од три децении не беа реконструирани“, рече Корлевски.

Само во Битола има над илјада лица со попречености кои ќе можат да ја користат реновираната и опремена спортска сала.

На 11.10.2022 во 00.05 часот во Битола, полициски службеници од СВР Битола го лишиле од слобода С.К.(34) од Битола. Тој се сомничи дека на 10.10.2022 околу 13.30 часот во Битола прикажал порнографски материјал од својот мобилен телефон на малолетничка.

При претрес во неговиот дом, извршен со судска наредба, биле пронајдени и одземени предмети поврзани со кривичното дело.

Тој бил приведен во полициска станица и во службен разговор го признал делото. По целосно документирање на случајот против него ќе биде поднесена соодветна пријава.  

СВР Битола во изминатите неколку месеци презеде зајакнати мерки и активности за спречување на шверцот со наркотици, а статистичките податоци укажуваат на зголемена ефикасност во санкционирање на овој вид кривични дела. Имено, во месец август оваа година на подрачјето на градот Битола, полициските службеници од криминалистичка полиција при СВР Битола во делот на недозволената трговија со дрога имаат извршено четири претреси на домови, при што лишени од слобода биле 17 лица, а 3 други биле задржани во полициска станица. Поднесени биле две кривични пријави против двајца сторители, при што е одредена мерка притвор. Притоа, пронајдени и одземени се стебла марихуана, пакувања со марихуана, пакувања со амфетамин, хероин, дигитални ваги со остатоци од марихуана, дробилки со остатоци од марихуана како и други предмети поврзани со кривичните дела.

Во текот на септември извршени биле 3 претреси во домови и простории кои ги користат дилерите, при што лишени од слобода биле 22 дилери на дрога, а 4 други задржани во полициска станица Битола. Поднесени се 5 кривични пријави за шест кривични дела против пет сторители. Одреден бил притвор за тројца од нив. При претресите е пронајдена марихуана, амфетамин, хероин и други предмети со остатоци од дрога. Или, во изминатите четири месеци (јуни, јули, август и септември) при преземените мерки и активности за сузбивање на недозволената трговија со дрога лишени се вкупно 65 дилери на дрога во Битола, во координација со Јавното обвинителство поднесени се 14 кривични пријави по чл.215 од Кривичниот законик, одредени притвори за дел од нив.