Камерниот оркестар на Битола постои неколку децении и со мали прекини егзистира до денес. Почетоците биле од група ентузијасти, најчесто музички необразовани, но денес Kамерниот оркестар на Битола е составен од професионалци кои дипломирале на својот инструмент, а голем дел и магистирале. И покрај тоа што Kамерниот оркестар постои повеќе од 40 години, никогаш немал статус на институција каде музичарите би биле вработени, така што отсекогаш функционирал на проекти.

Последните неколку години, зад овој своевиден културен бренд на градот застана познатата ИТ компанија ⋮IWConnect која деновиве го обнови договорот со уште по амбициозни планови.

„Мислам дека пред едно добри шест години, случајно видов плакат за концерт на Камерниот оркестар на Битола. Купив карта, бев на концерт и заминав воодушевена од тој спој на класиката и модерната музика, која диригентот и музичарите ја имаа на репертоар таа вечер. По цената на билетот, ми беше повеќе од јасно дека овие луѓе тој концерт не го прават за профит, туку од некој личен ентузијазам и љубов. Со тие впечатоци заминав дома и разговарав со мојот сопруг. Посакав да ги спонзорираме. Дел од нашиот тим реагираше со факти…„ па тоа не класика, тоа не е ни рок„….а мене токму ми се допадна што тоа не е тоа, ама за мене беше перфектно. Битола е мал град, секој со секој некако се познава, па така испадна дека драг колега е пријател со Владе….човекот кој стои зад возобновувањето на Камерниот оркестар на Битола и така започна нашата соработка. Таа е повеќегодишна, започнавме со скромно спонзорирање, со времето го зголемуваме влогот во овој проект на среќа на двете страни“, изјави Елизабета Мемца при потпишувањето на новиот договор за спонзорирање која заедно со својот сопруг Александар Мемца се сопственици на оваа голема компанија.

Оркестарот веќе е културен бренд на градот, со секогаш преполни сали и огромен интерес за сите нивни концерти. Билетите се продаваат за само неколку часови.

„Со ⋮IWConnect соработуваме еве веќе 6-та година и заеднички со нивна поддршка сме организирале 30 концерти. За нас ова големо спонзорство е важно. Тоа ни овозможува полесно да функционираме. Верувам дека една од најголемите желби на секој член од камерниот оркестар е тој конечно да стане институција, каде студентите од Битола или од околните градови, а верувајте ги има многу, кои ќе завршат на својот инструмент ќе имаат шанси да се вратат дома и да се вработат тука, зошто веќе и оркестрите во Скопје, Националната Опера и балет и Националната Филхармонија се преполни со музичари од сите краишта“, Истакна Владимир Димовски, диригент и уметнички директор на Камерниот оркестар на Битола.

Една од вредностите на ⋮IWConnect, а водено и вредност на целиот менаџмент тим, е во знак на благодарност за тоа што тие го создале и постигнале, несебично да вратат на заедницата. Конечно, општествена одговорност е на сите успешни компании и личности кои бројат успеси во животот, да направат барем мали напори да го направат овој свет подобар од она како го затекнале, на нивните почетоци, пред да станат тоа што се денес по прашање на успех.

Нашата битолска атлетичарка Јана Стефановска, членка на АК „Олимт“ е победничка на 5К трката на овогодинешното издание на „Охрид ТрчаТ“ - со резултат 21:18. На една исклучително напорна патека за постигнување на врвен резултат, ова е феноменален успех на нашата Јана.

Tренерот Демир Даутовски во неа гледаше успешна атлетичарка од првите денови на нејзините тренинзи. На денешната трка, учество зедоа и други битолски атлетичари Наталија Чона, Стефанија Лазарева и Христијан Котевски кои исто така имаа одлични пласмани. 

Сите вработени во АД ЕСМ, во сите подружници низ целата држава, учествуваа во големата еколошка акција за уредување, зазеленување и чистење на околината по повод Светскиот ден за заштита на животната средина.

“Сите наши вработени ги чистат просторите и локациите околу нашите производствени капацитети, околу акумулациите, термоелектраните, а некои и урбаните средини каде што работат и функционираат. Светскиот ден за заштита на животната средина на Обединетите нации годинава е под мотото “Само една планета Земја” и тoа e порака до сите нас, не само како компании и фирми, туку и како луѓе, да ја чуваме нашата животна средина.

АД ЕСМ како најголем производител на електрична енергија во нашата држава ја поддржува т.н. зелена транзиција и се стреми кон побрзо преминување кон производство на зелена енергија, односно производство на енергија од сонце, вода и ветер. Обврска на сите нас е да ја зачуваме животната средина денес, но исто така нашата планета да ја оставиме чиста и за нашите идни генерации”, порача генералниот директор на АД ЕСМ, Васко Ковачевски.

Управниот и Надзорниот одбор на АД ЕСМ зедоа учество во еколошката акција во Подружницата РЕК Битола, каде вработените чистеа во кругот на комбинатот. Вработените во Дирекцијата на АД ЕСМ во Скопје го разубавија просторот пред зградата на компанијата во Скопје и во Паркот Жена борец. Вработените во ХЕС Црн Дрим чистеа околу дирекцијата во Струга и по крајбрежјето на Дебарското езеро, во близина на хидроцентралите Шпилје и Глобочица. Вработените во ХЕС Тиквеш чистеа долж патот од село Возарци до ХЕС Тиквеш, а во РЕК Осломеј се чистеше во кругот на термоелектраната. Во ХЕС Маврово се чистеше во и околу дирекцијата во Гостивар и на браната Маврово. Вработените во ХЕС Треска го собираа сметот околу видиковецот на ХЕ Козјак, а просторот се уредуваше и во подружницата Енергетика.

Опожарувањето на клубот во Битола нема да ги наруши односите меѓу двете земји, но ќе биде доказ од Северна Македонија дека не се користи насилство и говор на омраза, рече министерката за надворшени работи Теодора Генчовска при денешната посета на опожарениот центар „Ванчо Михајлов“ во Битола.

Таа изрази надеж дека македонските служби ќе спроведат брза истрага и ќе го фатат сторителот.

„„Како што ме увери началникот на Битолската полиција преземени се сите мерки и во најскоро време ќе следат резултати. Се надевам на конечни резултати за да има конечна пресуда за извршителот“, додаде министерката.

Генчовска рече дека ова никогаш не би можело да биде провокација од бугарска страна, но дека името на клубот нема да се менува, туку и понатаму ќе остане да се нарекува Ванчо Михајлов.

Пожарот беше подметнат утрово в очи работната посета на Генчовска на Македонија на покана на министерот Бујар Османи, со цел решавање на отворените билатерални прашања.

„ Продолжуваме со многу конструктивниот дијалог. Морав да излезам од средбата со Бујар Османи, сега се враќам пак, продолжуваме . Мислам дека ќе се договориме за нештата кои треба да се завршат од страна на Република Северна Македонија да биде исполнет договорот“, рече Генчовска.

Дали ќе го дигнат ветото во јуни рече дека зависи од Македонија и европските партнери.

Денес претседателот на државата Стево Пендаровски, премиерот Димитар Ковачевски и МНР го осудија палењето на центарот. Ковачевски рече дека „во 21 век со палење и опожарување не се постигнува ништо“.

Клубот беше отворен на 16 април годинава во присуство на бугарскиот премиер Кирил Петков и други претставници од бугарскиот државен врв.

На Самитот за електрична енергија кој се одржува во Атина, генералниот директор на АД ЕСМ, Васко Ковачевски, се сретна со новоназначениот директор на Енергетската заедница (ЕЗ), Артур Лорковски.

Директорот Ковачевски го запозна Лорковски со предизвиците со кои се соочи државата во текот на енеретската криза, како и успешното менаџирање преку АД ЕСМ со сила поддршка од Владата на Р. Северна Македонија. Беа истакнати предизвиците кои се очекуваат во текот на годината, како и за следната грејна сезона 2022/23г.

Лорковски, од своја страна изрази поддршка за државата и за АД ЕСМ како лидери во енергетската транзиција во Југоисточна Европа и порака да се продолжи во истиот правец.

Договорена е работна средба која ќе се одржи во Скопје на крајот на јуни, на која подетално ќе се разговара за енергетските теми и проекти.

Четири ученици од Основното училиште „Даме Груев“, во придружба на наставничката Соња Јанкуловска и директорката Биљана Бакиевска- Дамчевска заедно со партнерските училишта од Турција, Литванија, Финска и Италија учествуваа на проект од Еразмус мобилност во Атина, Грција. Во проектот беа вклучени учениците Симона Николовска,Сара Божиновска, Викторија Бикова и Миа Димевска.

Активностите се дел од Еразмус проектот ,, Gаме on“, кој има за цел развивање на здрави навики на живеење преку промена на начинот на исхрана, поголема физичка активност, ментално здравје и сл.Главен акцент на оваа мобилност беше ставен на физичкото здравје каде научија различни видови на спортови и кратки вежби за одржување на нивното здравје.

Познато е дека Грција е искусна во одржување на различни спортски настани, па учениците имаа можност да го сретнат олимпискиот првак, гимнастичар, Димостенис Тампакос и да поразговараат за неговите успеси, а го посетија и Kallimarmaro -единствен олимписки стадион направен целиот од мермер.

„Не смееме да ја изоставиме посетата на Акропол древна тврдина која содржи остатоци од антички градби со големо архитектонско и историско значење. Активности се реализираа и во самото училиште почнувајки од топло добредојде, работилници за физичкото здравје, драмски перфоманси , работилници за здрави диети и сл“, велат од ОУ „Даме Груев“.

Тимот од шест учесници се врати во својата земја побогати со уште едно искуство и многу заеднички пријателства.