По повод Празникот на мимозите на Херцег Нови, град збратимен со Битола, познатите мажоретки настапија на Широк Сокак.  Со играта и музиката го раздвижија Широк Сокак , а на битолчани освен уживање во нивната игра им подарија и мимози. Рекоа дека пролетта веќе се чувствува во нивниот град

ЗА СОЛУНА, ЗА СТАМБОЛА, НЕА НЕ ДАВАМ (НЕДЕЛНА РУБРИКА) 

Трудот со шифра „SHARP“ на авторите Дејан Томски и Мила Ролиќ е избраниот труд од петте конкурсни трудови, кои пристигнаа на распишаниот конкурс за избор на решение за редизајнирање на кружен тек кај месноста „Дулие“ во Битола, на тема „Круг на јарболите“.

Според жири комисијата, идејата на авторот и инвентивноста на овој труд, соодветствува на целокупниот амбиент со силен уметнички израз. Пораката што ја пренесува решението е целосна, издржана и силна – ракување, решението е транспарентно, лесно и економично за изведба со можност за етапна градба. Жири комисијата заклучи дека сите пет трудови ги задоволија условите пропишани во конкурсот.

Градоначалникот на Општина Битола, како распишувач на конкурсот ќе организира изложба на конкурсните трудови во просториите на Општина Битола, на која ќе биде доделена награда од 60 000 денари за првонаградениот труд и по 6 000 денари за секој труд кој ги задоволи критериумите на конкурсот. 

Верувале или не, најмалиот член во Националната универзитетска библиотека „Св. Климент Охридски“ во Битола е роден во 2018 година и има само една година. Родителите го зачлениле од бебе иако не може да чита. Тие изнајмуваат сликовници, приказни, бајки за него и редовно му читаат. Сакаат од мали нозе да ја вкоренат љубовта кај нивното дете кон книгата, затоа и симболично членската карта ја извадоа на негово име.

Министерот за земјоделство,шумарство и водостопанство Трајан Димковски при неговата посета на општина Новаци, заедно со градоначалникот Љубе Кузманоски и директорот на Агенцијата за финансиска поддршка во земјоделството и руралниот развој Никола Бабовски направи увид на проектите што се реализирани со средства од Агенцијата за финансиска поддршка преку програмата за рурален развој.

Општина Новаци преку Програмата за рурален развој реализира два инфраструктурни проекти -Изградба на локален пат до с.Тепавци во должина од 3км и изградба на локален пат од крстосница од с.Старавина-с.Будимерци до манастир Св.Атанас ,с.Старавина во должина од 811 м со вкупна вредност на двете инвестиции од 23.6 милиони денари и проектот за изработка на урбанистички планови за 6 населени места во вредност од 11 милиони денари кој е во тек на реализација.

Типот на  сензори за мерење квалитет на воздухот какви што се инсталирани и во Битола добија престижната награда за најдобар сензор во категоријата "Monitoring and Awareness in Outdoor Air" (Мониторинг и свесност за воздухот на отворено) на "AIRLAB Microsensors Challenge 2019" организиран од AFD и Airparif во Париз (Франција), соопштија од платформата „Земи здив“.

„За време на натпреварот беа сеопфатно тестирани 34 сензори од целиот свет врз база на 44 параметри во временски период од 4 месеци во француската престолнина Париз и неговата околина. Глобалната мрежа Airly е избрана за најдобра компанија меѓу оние со ниски трошоци за мерења на отворен простор“, велат од „Земи здив“.

Во Битола од двете државни мерни станици работи само едната. Макрадули рече дека преку Интерег програмата за прекугранична соработка со Грција ќе се постави уште по една мерка станица за аерозагадувањето во Гевгелија и Битола. Рече дека политиката за аерозагадувањето секоја земја членка на Европската Унија ја гради врз основа на скапи станици, а не на сезнори кои можат да дадат индикативни податоци.

Во Основното училиште „Кирил и Методиј“ во Битола се пушти во употреба новиот еколошки систем за греење со клима инвертери. Инвестицијата е вредна пет милиони денари, пари обезбедени преку Министерството за животна средина, по проект на Општина Битола.