Учениците од второ одделение од ОУ „СВ.Климент Охридски“-Битола денеска го посетија Градскиот пазар во Битола и заедно со вработени од ЈП Пазари се запознаа со работата и активности на претпријатието , но и со есенските производи кои се продаваат на зелениот пазар.

-Денес не посетија вторачињата од 5 одделенија заедно со директорката Гордана Анастасовска од ОУ “Климент Охридски“ од Битола. Учениците се запознаја со сезонските производи кои се продаваат во пазарот во Битола, вели директорот на ЈП Пазари Владе Атанасовски.

Дуќаните во Градскиот пазар во Битола ќе добијат нов лик со смена на нова дограма.

-Јавното претпријатие „Пазари“ распиша тендер за промена на дограмата на дуќаните во Градскиот пазар. Лошите слики на распаднати врати и прозорци ќе бидат минато.
Деловниот простор ќе добие нов лик.
Вкупната инвестиција ќе биди реализирана со сопствени средства, вели Владе Атанасовски директор на ЈП „Пазари“-Битола.

Вработени од јавните претпријатија „Пазари“ и „Комуналец“ како и граѓани од околните населби од утрово го чистат просторот околу Новиот реонски пазар во Битола.Директорот на ЈП „Пазари“ Владе Атанасовски вели дека во многу наврати  и самоиницијативно со поголеми акции го исчистиле просторот околу Новиот  реонски пазар, но за жал за кусо време отпадоците се насекаде на оваа локација.

-Треба подигање на свеста на граѓаните околу заштитата на животната средина. Токму овој простор многу пати е чистен средуван и дезинфициран , но повторно и повторно се фрла секаков отпад. Денеска со наши вработени и вработени од „Комуналец“ излеговме на терен и што е за респект ни се приклучија и граѓани. Тука сме да ја смениме сликата на подобро, и се надевам дека оваа слика ќе потрае и ѓубрето секој од нас ќе го фрла онаму каде што му е местото, во контејнерите а не по земја, на улица или каде ќе им текне. Мора да ги чистиме дивите депонии и да не дозволиме да се повторат,  изјави Атанасовски за апла.мк 

Од денеска ЈП „Комуналец“ ја започна  големата акција за чистење на дивите депонии во Битола, во која со своја машинерија  учествуваат и јавните претпријатија „Водовод и „Нискоградба“, а во акцијата учествуваат и претставници на невладиниот сектор и локалното население.

По инструкции на Општинскиот кризен штаб кој го раководи градоначалничката Наташа Петровска, ЈП Пазари формира кризен штаб, како критично место на ЈП Пазари е Новиот реонски пазар во Битола каде има подземни води.

-Вработените дежураат 24 часа пумпите работат  без прекин, а имаме и резервни пумпи и помошна пумпа на бензин доколку дојде до поголема вода има подготвени пумпи од ЈП Водовод  кои на повик веднаш ќе дојдат , кризното место се наоѓа во подземјето на Новиот Пазар кај големиот маркет, вели Владе Атанасовски директор на ЈП Пазари-Битола.