До петок во попладневните часови ќе има појава на локална нестабилност со пороен дожд и грмежи. Во петок кон крајот на денот ќе почне да дува засилен северозападен ветер кој ќе продолжи и во сабота и ќе услови значително опаѓање на температурата во наредните денови.

За време на викендот ќе има локален дожд, но без грмежи, а од понеделник се очекува пооблачно време со пообилни врнежи од дожд.

Ваквотот време ќе предизвика проблеми кај метеоропатите. Денеска во вечерните часови, луѓето чувствителни на временски промени ќе почувствуваат општа слабост и главоболка, а симптомите ќе исчезнат во текот на ноќта. Но, повторно ќе се појават утревечер во вид на главоболка, болки во колената, грбот, вратот, а во петок овие болки ќе бидат уште поинтензивни, се наведува во биометеоролошката прогноза на УХМР.