По кратко боледување, денес почина битолскиот новинар Константин Петровски-Кокан на 44 годишна возраст. Кокан имаше завршено студии по новинарство, пишуваше во битолскиот весник „Его“, а имаше и соработки со локалните телевизии. Автор е на книгата „Филтер Југославија“ во која се објавени делови од неговите текстови од „Его“, остави во ракопис неколку романи за деца, а го сними и документарецот „Патот до Аликанте“ посветен на пејачот Цане Николовски од „Елита“.