Деновиве, во рамките на втората етапа од чистењето на реката Драгор, се работи на расчистување во делот од Железничкиот мост до Мојсов мост, соопштина од Општина Битола. Екипите на КЈП „Нискоградба“, со помош на ровокопач и камион, ги отстрануваат наносите, ѓубрето и обраснатите делови на овој потег кој не беше исчистен од вегетација со години.

Повторно побеле водата во реката Драгор. Тоа се гледа од фотографиите што до нашата редакција денес ги испратија читатели. Тие пишуваат дека ваквото загадување го евидентирале денес по течението на реката Драгор, од Црн Мост надолу. Забележале обојување на водата во бела боја и силен мирис на хемикалија. Граѓаните кои ни ги испратија фотографиите коментираат дека најверојатно загадувањето доаѓа од фирма која работи кај Црн Мост, а во реката испуша некаква хемикалија или боја.