Претставници од пет држави, заедно со професори од СОЕУ „Јане Сандански“, денес остварија средба со градоначалникот на Општина Битола Тони Коњановски.

На средбата, гостите од Турција, Романија, Бугарија, Италија и домаќините од СОЕУ „Јане Сандански“, го запознаа градоначалникот со текот на мобилноста која се одржува во Битола до 1 април, на која се застапени темите за родовата еднаквост, насилството врз жените, како и за активностите во делот кој се однесува на дигиталното општетство.

Градоначалникот Коњановски, ги информираше гостите за најзначајните карактеристики на градот, културните знаменитости, историските обележја, образовните институции, економските можности и капацитети итн.

Гостите особено искажаа задоволство од убавината на градот, културните знаменитости и античкиот локалитет Хераклеа, истакнувајќи дека дома ќе се вратат побогати не само од искуствата добиени преку проектот „Полова еднаквост и информатичко општество“, туку и од топлината, гостопримството на домаќините и урбаниот стил на Битола.