АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Извршниот одбор на ЛДП ја одржа својата редовна седница, на која ја разгледа актуелната политичка состојба во државата и донесе заклучок дека предвремени избори во овој момент не се потребни, објави лидерот на ЛДП Гоан Милевски на Фејсбук..
-Ги разгледавме и барањата на опозицијата за предвремени избори и констатиравме дека е неопходно целата енергија на политичарите да се насочи кон решавање на проблемите на граѓаните кои се предизвикани од економската и енергетската криза во Европа.
За нас, предвремените парламентарни избори во овој момент не се решение за излез од актуелните проблеми и сметаме дека иницијативите се поттикнати единствено од партиските интереси и желбата за освојување на власта.
Владата има доволно капацитет и стручност да се справи со предизвиците и да одговори на потребите на граѓаните и од тие причини бараме да се нормализира работата на Собранието, кое во овие моменти на криза треба да работи исклучиво во интерес на народот, а не за теснопартиските интереси на поединци или групации, смета ЛДП.
