СВР Битола во два ноќни клуба затекна дрога. Апла.мк неофицијално дознава дека и два клуба се едни од најпосакуваните места за ноќно излегување на младите битолчани и се во близина на Шеталиштето. СВР Битола и криминалистичката полиција продолжуваат со решителните акции. 

Денеска (04.12.2022) во 02.35 часот во угостителски објект на градско шеталиште во Битола, полициски службеници од СВР Битола ги лишиле од слобода Е.А.(35) и С.Р.(47), двајцата од Битола, затоа што кај нив била пронајдена и одземена бела прашкаста материја. По документирање на случајот против нив ќе биде поднесен соодветен поднесок.

Денеска (04.12.2022) во 02.15 во угостителски објект на ул.„Партизанска“ во Битола, полициски службеници од СВР Битола го лишиле од слобода Д.Т.(25) од Битола затоа што кај него била пронајдена и одземена бела прашкаста материја. По документирање на случајот против него ќе биде поднесен соодветен поднесок.