НП Пелистер Битола, денеска беше домаќин на делегација од НП Плитвички езера од Република Хрватска.  Директорот на НП Пелистер Малиќ Шемшедини, со своите вработени срдечно ги  пречекаа  гостите од Хрватска, раководителот на секторот за заштита на природата на паркот Плитвички езера,  Крешимир Чулинович со делегација.

По обиколката на терен, двата тимови имаа заедничка средба во конференциската сала на Инфо Центарот и кратко запознавање со историјата на националниот парк Пелистер, како и посебностите на паркот преку изложените експонати од флората и фауната на Баба Планина, изложени во Инфо Центарот.

На средбата беше разговарано за предизвиците и искуствата со кои се соочуваат во овој период и двата парка, а беа разменети искуства за оптимално и успешно менаџирање со природните ресурси и потенцијалите на парковите со кои раководат.

Гостите од Хрватска искажаа позитивен впечаток од обиколката на НП Пелистер, убавините на планината, организацијата на работењето и можностите кои ги нуди НП Пелистер. И двата тимови се договорија на понатамошна соработка и црпење на искуствата и споделување со цел што поуспешно менаџирање во интерес на јавното добро.

А.Б