АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
МКЦ Битола изразува длабок жалење за прераната смрт на момчето од Шпанија кое се удави во Олимпискиот базен во Битола а учествуваше во проект каде партнерска организација е и МКЦ Битола.
Со длабока тага сакаме да Ве информираме дека момчето Ч.С. (22) од партнерската организација Карабуци од Барселона, Шпанија во петокот попладне доживеа смртоносна несреќа. Трагедијата се случи нешто после 16.30 часот на Олимпискиот базен во Битола, каде беше заедно со 2 другари за време на попладневната пауза на музичкиот камп во Битола.
Лекарската екипа на местото на настанот интервенираше во оваа критична ситуација на лице место со реанимација, бидејќи удавеното момче не даваше знаци на живот. Подоцна беше префрлен во битолската Клиничка болница, каде му беше укажана секаква можна лекарска помош. За жал, ништо не можеше да го спаси животот на младото момче. Смрт констатира лекар од итна медицинска помош, а увид изврши увидната екипа на СВР Битола. По наредба на јавен обвинител телото е предадено на обдукција.
Испраќаме најдлабоко сочувство до неговото семејство, роднините, организациите и локалните заедници погодени од овој трагичен настан, за заедно да се справиме со тагата во овие тешки моменти.
Тимот на Европската Караван Мрежа
Партнерски организации вклучени во проектот заедно со МКЦ-Битола се и Мадам Фортуна од Белгија (носител на проектот), Аларм Театар и Амародром од Германија, Талер де Музикс и Карабуци од Шпанија, Њу дач конекшнс од Холандија и Бекос ју арт од Франција.
