Под влијание на студен и влажен бран метеоролозите најавуваат дека врнежите ќе продолжат и  во текот на ноќта, како и утре (четврток) а пообилни ќе бидат во западните и јужните делови од земјава.

 

Насекаде ќе се формира нова снежна покривка, на западот и југот околу 10 см, на планините и над 20 см, а најмала на североистокот. Поради засилениот северен ветер можна е појава на снежни наноси.

 

Потоа во наредните денови ќе биде променливо облачно и студено со многу ниски утрински температури и со слаби локални врнежи од снег во петокот повеќе на истокот и понекаде во планините на запад, а во недела од кај северот. Најсончево ќе биде во сабота. Поради ниските температури ќе има појава на голомразица.

Температурата во наредните денови ќе се спушти и до -14 степени.