После неколку часа од објавувањето на текстот “Врие од незадоволство во ЛАГ-Пелагонија-Новаци, екс претседателот Гордана Лозановска Стефановска и Управниот одбор немаат легитимност да ја водат организацијата, обвинуваат дел од членките “, таа се реши да возврати.

Писмото е насловено како отворено и ви го пренесуваме во целост.

                                                                       Отворено писмо, 

Демант по објавена содржина на порталот Апла.мк  за цел навреда и клевета  

“Врие од незадоволство во ЛАГ-Пелагонија-Новаци, екс претседателот Гордана Лозановска Стефановска и Управниот одбор немаат легитимност да ја водат организацијата, обвинуваат дел од членките “

Со цел да наштети на моето достоинство и чесност, со навреда и клевета,  по скоро цело едно годишно заканување на дел од членките кои се претставници на иницијативниот одбор за промени: Ѓорѓи Јошевски, Петар Андонов, Светлана Петковска, Мендо Трајковски како носители на овој процес, денес  извршија јавно валкање на моето име.  

Сите изнесени коментари и забелешки се лаги и клевета  по што ја демантирам во целост оваа објава:

Горенаведените лица повеќе  од година  дена не работат за интересот на организацијата (и со ништо не придонеле кон обезбедување на активности и проекти) но имаат нивна лична потреба да раководат со организацијата чиј што  доказ е и овој објавен текст.

Во правни рамки согласно Статут на  Организацијата, еднаш на  секои 2 години  ЗРР ЛАГ Пелагонија, Новаци има Изборно Собрание , а кое последен пат  беше одржано на 31.05.2017 година, што значи мандатот на лицата кои се во органите на управување е легитимен ,  мандат заклучно со 31.05.2019 .

Собранието за 2019 , е во фаза на подготовка согласно донесената одлука на Управен одбор од 22.03.2019 година .

Лицата кои се дел од Иницијативниот одбор се дел од членки на Надзорен Одбор и Комисија за избор на проекти и согласно Статут не се вклучени во носењето одлуки на Управен одбор .

(на Изборното Собранието кое  се одржа на 31.05.2017 , сите членови беа согласни со својата улога за наредните 2 години, но тоа не траеше многу па се обидеа преку  неправно адекватен и не согласно Статут организиран, собир наречен Вонредно Собрание споменато во објавата да извршат добивање на превласт ).

Овој Собир поради тоа што не беше во согласност со Правилата во Статутот и немањето на кворум за работа,  донесените одлуки на Собранието каде самите извршија и прераспределба, по желба  на функција, истите Одлуки членовите на Иницијативниот одбор за промени не можеа да го спроведат во Централен Регистар како промена поради неговата незаконита постапка .

Но и потоа притисоците  продолжија, посебно на мене како Претседател со закани и омаловажувања но и на членовите на Управниот Одбор .

Спомнатата моја оставка во два наврати е актуелизирана и написмено доставена до Управниот Одбор и четворицата градоначалници со датуми од 23.05.2018 и  16.11 2018 .

На Управен одбор оставката и во двата наврати е неприфатена од членовите на Управен Одбор  и градоначалниците кои беа присутни на состанокот на 16.11.2019 , што значи дека легитимноста на мојата работа и работата на Управниот Одбор не е доведена во прашање, само потребата од Иницијативниот одбор за промени да дојде на власт.

На истиот состанок на Управен одбор  од 16.11.2019 на кој беа присутни и градоначалниците донесена беше и Одлука за назначување на нови лица кои ќе бидат претставници на организациите членки на ЛАГот  (истите членки организации само со нови претставници во случајот актуелниот Иницијативен одбор ) поради непочитување кон одредбите од Статутот член 22 став 1, 4, 5, 6, 7 и согласно член 24 став 4 и 5, која Одлука исто така не беше почитувана и на која беа повторно испратени истите лица како претставници, што повторно ја враќа ситуацијата  на истата почетна точка.

Во однос на  прашањето за финансиското работење , кое  иако во последната година беше скоро непостоечко, сите  трансфери и исплати се спроведени со Одлуки на Управен Одбор, се е со евидентирана документација, Договори и архивски примероци,  од денот на моето стапување на оваа функција.

Поради непостоење на доволно средства на сметката за ран детски Развој а воедно и престанок на проектните активности за претшколско воспитување во Општина Могила заостаната е единствено исплатата на 3.500 денари на две лица кои беа ангажирани како воспитувачки а за истото постои одлука на Управен Одбор дека штом ќе има прилив на средства истите ќе бидат исплатени, а Одлуката нема застареност за извршување .

Додека  лагата дека немаме завршна сметка е  надвор од разумот....

Во однос на Финансиите квартално, по потреба и почесто , со извештаи за реализација  и изводи се известуваат  членките на Управен Одбор и градоначалниците.  Без никакви забелешки се извршени увидите од сите Општини вклучени во работата на организацијата.

Во однос на партнерството со  МЗШВ  Локалната акциона група Пелагонија, Новаци има значајно место како партнер  и соработник  и во досегашните спроведени активности не постојат неразрешени ситуации и се се работи согласно Процедури и правилници, како и согласно Законот за рурален развој.

Градоначалниците се информирани за  состојбите во кои се наоѓа организацијата, како и редовно информирани за сите нови моменти од процесите кон кои стратешки треба да се посветиме како организација, да градиме партнерства и соработка, да се докажуваме колку сме соодветни за соработка со цел да помогнеме на руралните средини и нивните граѓани,  а не да се трудиме да негираме и поништиме се што е добро и правично.  Само добрите луѓе може да направат промени на добро...

Гордана  Лозановска  Стефановска