Од денеска па се до сабота во државата се одржува Меѓународниот боксерски турнир „Златен гонг“, кој годинава го одбележува  50 јубилејно издание.  На турнирот кој ќе се одржи во спортската сала „Борис Трајковски“ во Скопје учествуваат 8 земји од светот.

Со свое учество ќе се претстават четворица боксери од Македонија ,меѓу кои и битолчанецот  19-годишниот Оран Јашаровски-Пантер .

Јашаровски ќе настапува во категорија до 56 килограми и тренира во боксерскиот клуб „Пелистер“-Битола.

Од неговиот клуб велат дека две недели се подготвува со македонската репрезентација предводена од кубанскиот селектор Хесус Сојет.

Четвртфиналните натпревари се закажани за денеска со почеток во 16 часот. Полуфиналето е во петок . Додека финалните борби ќе се одржат во сабота од 15 часот.

-Јашаровски со бокс се занимава од својата 10 годишна возраст и уште од мал е вешт како пантер, по тоа и го доби својот прекар. Како боксер е многу силен и наликува на Мајк Тајсон, велат од боксерскиот клуб Пелистер.

А.Б