-Оваа донација е исклучително значајна за нашата болница, но и за градот, затоа што ќе се подобрат условите за пациентите во нашата здравствена установа. За Интерното одделение има 24 болнички кревети, во  Одделението за неврологија дониран е ЕКГ и ЕЕГ апаратот. Во одделенијата за хирургија, ортопедија и гинекологија ќе бидат распределени  хируршки инструменти за отворена хирургија. Во оваа донација имаме опрема за една употреба, односно хируршки мантили, маски, капи итн, изјави Радмила Бајовска, главна сестра во ЈЗУ Клиничка болница-Битола.

Од болницата најавуваат дека соработката со шведската фондација Hand till hand ќе продолжи, а фондацијата има главна цел  да помогне на лицата со посебни потреби, односно заедно со локаланата  самоуправа и болницата да се реализира  идејата  за изградба на  современ Центар за овие лица.