Градоначалничката на Општина Битола Наташа Петровска, заменик градоначалничката Емилија Костурски и менаџерскоит тим на училиштето разговараа за извршените санации и моменталните изведбени актвиности во оваа образовна установа.

Во однос на подобрување на енергетската ефикасност и заштедата на електрична енергија, заменета е дограма во целото училиште каде што беше потребно, со енергетски ефикасни ПВЦ прозорци. Целосното осветлување, вклучувајќи го и осветлувањето во спортската сала, е заменето со ЛЕД осветлување.

Во тек е поставување на настрешница на задниот влез од училиштето, кон спортската сала и целосно обновување на вториот кат од училиштето, каде се врши реновирање на кабинетите, бојадисување, менување на подот, реновирање на скалите и менување на дограма.

Паралелно со инфраструктурните зафати,, училиштето се опремува и со нагледни средства. Покрај опремата за квалитетно изведување на он лајн настава, за која општината издвои средства на почетокот од оваа учебна година и со која беа набавени нови компјутери, со дополнителна опрема од камери и звичници, дополнително се набавени  3 телевизори со големина од 55 инчи и 4 смарт табли. Обновена е целосната опрема за практична работа (ново торзо, лабораториска опрема и комплетно обновување на лабораториите).

Со сите извршени санации и набавки кои што се реализирани, единствено е потребно учениците да можат да ги почувствуваат промените што поскоро, со настава во живо.