За Велигден и Бајрам да нема полициски час, а угостителските објекти да работат до 20, односно до 20: 30 часот, предлага  Главниот кризен штаб во Владата. Ова  денеска го соопшти министерот за здравство Венко Филипче. Предлогот е за Велигден полициски час да нема ноќта в сабота спроти недела поточно први спроти втори мај, а за Бајрам ноќта на 12 спроти 13 мај.

„Многу е важно чувството на граѓаните. Да потенцирам, здравствената состојба ја дозволува оваа мерка. Верските заедници земаа обврска да водат сметка за време на празнувањето и собирањето за верските празници“, рече Филипче. 

Понатаму, Комисијата за заразни болести предлага полицискиот час од среда, 28 април, да почнува од 21 часот и да трае до 5 часот наутро. По овој предлог ќе треба да одлучува Владата на следната седница.