Здружението на пензионери-Битола ќе го обнови покривот од зградата каде се наоѓаат деловните простории и Клубот на пензионери

Мај 14, 2021

 

Извршниот Одбор на Здружението на пензионери од Битола под претседателство на Даница Петличкова на денешната седница расправаше за одредени прашања поврзани со животот и работата на пензионерите од Битола, Новаци и Могила.

Беше донесена одлука за реконструкција на кровот од зградата каде што се наоѓаат деловните простории и Клубот на пензионери во Битола. Потребните средства за таа цел заеднички ќе бидат одделени со Здружението на инвалиди и пензионери. На седницата беше прифатена иницијативата на Сојузот на пензионери на Македонија претставници на битолското здружение да земат учество на ревијата за игри и песни, што по 19- ти пат, овој пат ќе се одржат во Прилеп на 1- ви јуни.

На седницата на ИО претседателката Петличкова која неодамна беше избрана на оваа функција по изненадната смрт на доскорешниот претседател Томе Димитровски од Ковид 19, информираше дека наскоро со општина Битола ќе биде реализиран проект за одржување на теоретски и практични предавања за пензионерите за нивна поуспешна здравствена состојба.

Сподели

Login to your account

Username *
Password *
Remember Me
© 2021 АПЛА.мк. Сите права се задржани