Со музичкото шоу „Имат-немат“ вечерва , 21 јули, со почеток од 21 часот во дворот на Општина Новаци започнува Културното-забавно лето Новаци 2021. Од Општина Новаци и  Студио „Пикси“ соопштија дека културното лето ќе трае безмалку еден месец, поточно до 17 август но ќе изобилува со музички настани, пред се настапи на познати музички имиња од земјава, како и на играорни групи. 

Сите 6 културни настани согласно програмата на организаторот ќе се одржат согласно мерките и препораките за заштита од Ковид-19 согласно надлежните институции за организирање на ваков вид на манифестации. Од Општината им порачуваат на своите жители во летниот период што претстои  да уживајте во богатата програма што ја нуди Културното-забавно Лето Новаци 2021.