Дали Горан Милевски ќе се кандидира за градоначланик на Битола на претстојните локални избори ќе се знае наскоро, но едно е сигурно дека ОО на ЛДП Битола синоќа го предложи за кандидат. Листата на советници веќе е потврдено ќе ја предводи Валентин Груевски , актуелен претседател на Советот на Општина Битола. 

 

На вчерашната седница на општинскиот одбор на ЛДП-Битола, беа донесени следните одлуки:

1. Членовите на ЛДП акламативно го предложија претседателот Горан Милевски да биде кандидат на Движењето ОДЛУЧНО за промени, за градоначалник на Битола.

-Општинскиот одбор очекува Горан Милевски да ја прифати кандидатурата, која е барање не само на членовите, туку и на граѓани и на бројни поддржувачи на актуелната власт кои сакаат во оваа трка за градоначалник да се вклучи и тој.

2. Усвоена беше и листата на советници на Движењето ОДЛУЧНО за промени, која на овие избори ќе ја предводи Валентин Груевски, досегашен претседател на Советот на Општина Битола.

-На листата се наоѓаат истакнати членови на ЛДП и ДОМ, како и бројни јавни личности од граѓанскиот сектор, културата, спортот. Листата ќе го отсликува и мултиетничкиот карактер на Битола