Во Битола се одржа онлајн предавање на тема „Ризикот од рак на дебело црево во современото живеење“. Предавач беше специјалистот по општа хирургија д-р Стефан Талев.
Ракот на дебелото црево е болест на индустриски развиениот западен свет. Високиот социо- економски стандард, како и типичниот западен стил на живеење, исхрана, животни навики и активности, се причините за се поголемата зачестеност на ракот на дебелото црево која поприма епидемиски размери. Секој може да развие полип или карцином на дебелото црево, но некои имаат повисок степен на ризик од другите. Тоа зависи од наследните и од индивидуалните фактори.
Предавањето беше организирано како дел од активностите во врска со проектот „Грижа за здравјето на  Ромите 2“ кој „Сумнал“ го спроведува од септември 2020 година заедно со Општина Битола. Проектот е финансиран од Еразмус + програмата, а го координира германската организација Југендстил.  Партнери во реализацијата на денешната работилница беа и „Ротари“ клубот  Битола Широк Сокак