Здружението на пензионери од Битола потпиша меморандум за соработка со Здружението на пензионери од Ѓорче Петров.           Повелбата и документите за востановување на соработка ги потпишаа претседателите Томе Димитровски од Битола и Војо Ристевски од Ѓорче Петров. Во битолската општина има 19 000 пензионери, а во општина Ѓорче Петров 9000, кои низ донесената програма ќе се обидат поуспешно да соработуваат на повеќе полиња за нивните пензионерски денови да минуваат што подобро.

Денес во Здружението на пензионери се одржа и седница на Извршниот одбор на која беше расправано за некои актуелни прашања за пензионерите од Битола. Истовремено седница под претседателство на Крсте Белевски одржа и собранието. Беше објавено дека на 6 март ќе биде ставен во употреба првиот пензионерски клуб во Битола кој се наоѓа на призњемјето од зградата каде се наоѓа Здружението на пензионери. Ќе се користи за дружење и разонода на пензионерите.

Од понеделник во 31 огранок на Здружението на пензионери при месените заедници во регионот на Битола започнува постапката за запишување на огревно дрво за пензионерите. Предвидени се 7000 метри кубни дрвна маса да се распредели на пензионерите од градот Битола и околните села, а огревот да може да се плати на рати. Кубик буково дрво ќе изнесува 2800 денари, а дабово 2900 денари. Од Здружението на пензионери соопштуваат дека запишувањето за огревно дрво ќе трае се додена не се потрошат количините.  

Здружението на пензионери под претседателство на Томе Димитровски на својата седница расправаше за активностите во изминатата година и донесе оценка дека се што беше планирано е исполнето, со исклучок на снабдувањето со дрва за пензионерите бидејќи се појавија одредени тешкотии околу нивниот дотур, не по вина на Пензионерската организација туку поради одредени проблеми во фирмите кои што стопанисуваа со дрвата. Се донесе заклучок и во следната година пензионерите преку својата асоцијација да се снабдуваат со дрва, но Извршниот одбор ќе се заложи да бидат потпишани прецизни договори за навремено снабдување на пензионерите со дрва.

Исто така, беше усвоена и програмата за работа во следната година која предвидува поактивно вклучување на поголем број пензионери во телата и асоцијациите на здружението.

Наскоро се очекува да биде предаден во употреба клубот на пензионери, за што неодамна се купи простор за потребите на членството, а се наоѓа во приземјето на зградата каде е сместено Здружението на пензионери.

Следната година ќе се води сметка исто така за економично работење и за доделување на хуманитарни средства за пензионери и социјално загрозени лица. За Новата година на децата со посебни потреби од името на Здружението, во училиштето „Ѓорги Сугарев“ ќе им бидат доделени новогодишни пакетчиња.

Здружението на пензионери од Битола го одбележа 20 септември, Денот на пензионерите, а Извршниот одбор и Собранието на Здружението под претседателство на Томе Димитровски и Крсте Белевски одржаа состанок на кој донесоа одлука да се формира Комисија за купување на просторија за клуб на пензионери каде нивните членови ќе можат да врват дел од слободното време. Комисијата ќе работи во следните денови, просторијата е најдена, само треба да се договорат со сопственикот за купување, а не за плаќање откупнина. Се донесе одлука за прифајќање на донацијата од ЈП „Комуналец“ за поставување клупи на влезот кај објектот на пензионерите  со што тој ќе добие естетика, а во следниот период ќе се изгради и настрешница. 

 В недела во Радовиш ќе се одржи спортски натпревар на пензионерите на кој ќе учествуваат 850 пензионери, од кои од Битола 30 лица во некоку спортски дисциплини. На 25 септмеври во Битоа ќе се одржи регионана средба со наслов „Пензионерите пеат“, ќе учествуваат десетина групи со по две изведби. Меѓу нив ќе биде и „Сирма војвода“ која работи при битолското здружение и неодамна настапи и на Илинденски денови и на други културни манифестации.