Старите азбестно- цементни цевки на водоводната мрежа на улицата „Климент Охридски“ во Битола  се заменуваат со нови полипропилентски цевки, по што  комплетно се менува  водоводна инстраструктура со приклучоците.

Започна реконструкцијата на улицата „Климент Охридски“ на потегот од семафорите со улицата „Партизанска“ до крстосницата со улицата „Солунска“. При овој градежен зафат ќе се реконструира канализационата, водоводната мрежа, а потоа и коловозот ќе биде преасфалтиран.

„Зафатот ќе биде врз водоводот, канализацијата и коловоз во висина од 10 милиони денари. Овој потег ќе биде среден оваа есен“, рече градоначалничката Наташа Петровска.