По кратко боледување на 86 годишна возраст денес почина познатиот ликовен педагог и уметник Томислав Груевски од Битола. Ќе остане запаметен по тоа што 35 години предаваше ликовно воспитание и образование во Основното училиште „Коле Канински“ во Битола и кај многу генерации ги втемели основните ликовни врдености и љубовта кон уметноста. Од неговите ученици изгегоа и ликовни уметници. Груевски сликаше со голема леснотија, а неговите дела пленеа со убавина. Тој 20 години беше претседател на Феријалниот сојуз и за неговото дело беше награден  со Златна плакета од Јосип Броз Тито.

Посмртните останки ќе бидат изложени утре, 19 јули  2022 година, во капелата во Св. Недела во Битола  а погребот е во 12 часот на Светонеделските гробишта.