АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Неплаќачите на паркинг го сотреа зеленилото зад зградата Пелагонка 2 во строгиот центар на Битола, се жалат станарите од околните згради. Наместо на асфалтот и определените места за паркирање на паркингот што е непосредно и позади Градската библиотека, несовесни возачи паркираат на зелениот појас и од фотографиите јасно се гледа во која состојба е зелениот појас, не само ова утро, туку секој ден.
-Тревниците се уништуваат само од несовесни возачи кои единствено гледаат да го паркираат автомобилот, а воопшто не им е грижа на кое место паркираат и дали ги уништуваат тревниците каде играат нашите деца, реагираат жители.
Станарите од Пелагонка 2 и околните згради од комплексот „Стара Болница“ бараат ЈП Паркинзи и Сообраќајната полиција да излезат на терен и да стават ред на ситуацијата. Велат единствено со казни и континуирани контроли можат да се „превоспитаат“ несовесните возачи.
А.Б
