Секој час, секој миг, членови на битолската организација на СДСМ чекаат оставки од раководството, и во централата во Скопје, и на локално ниво, за изборниот дебакл на 8 мај. Истакнати членови, социјадемократи, на социјалните мрежи бараат одговорност од партиските функционери за изборниот пораз. Прстот на локално ниво е особено вперен во потпретседателот на СДСМ од Битола и министер за култура во оставка, Бисера Косадиновска Стојчевска, како највисоко рангирана во партиските структури од Битола, од локалниот лидер Драган Крајовски, секретарот Гордана Анастасовска...од Извршниот и Надзорниот одбор... 

Во еден од повиците од членството е испратена силна порака до нив - Секој да почне од себе без да го чека партискиот другар до него!

".. за првиот чекор кон овие одлуки треба само храброст кај врвот да се прифати реалноста на овој пораз. Не ни требаат условени оставки кои ќе се ефектуираат доколку и другите си поднесат оставки. Секој да почне од себе без да го чека партискиот другар до него. Само така овој процес на промена нема де трае предолго а штетата нема да стане ненадоместлива“,пишуваа членови на партијата во Битола.