-Министерството за транспорт и врски издаде решение по барање  на фирмата изведувач АД „Илинден“ од Струга за времена измена на режимот на сообраќа, додека се работи на санација на свлечиштето. Најверојатно следната недела ќе бидат поставени семафори со наизменично пропуштање на возила по една лента  и сообраќајницата ќе биде отворена, со што ќе се  растовари сообраќајот во градот. Во меѓувреме се работи на измена на проектот, со кој ќе се решава и проблемот со новото свлечиште, изјави за Апла.мк  Сашо Здравески, државен  инспектор во ЈП за државни патишта 

Свлечиштето на обиколницата се појави за време на големите поплави во Пелагонија пред речиси 3 години. Заради одрони, патот често беше затворан за сообраќај, а по расчистувањето повторно се пушташе во употреба. Но, минатата година,беше поставена целосна забрана, иако возачите често не ја почитуваат, при што возат на ризична делница  каде неодамна се активираше и ново свлечиште.