-Нашиот апел за обнова на школото силно одекна, откако медиумите ги прикажаа сликите во каква состојба  е училиштето. Веднаш  се приклучија фирми од Битола, поединци, па и родители на наши ученици во обнова на школото, изјави Билјана Кокалевска новата ве-де директорка на Медицинското училиште.

Неделава сменети се стаклата од искршените прозорци, а се реновираат и тоалетите на првиот кат од објектот.

-На првиот кат се прават тоалетите, бидејќи во школото единствено функционираат тоалетите на приземјето. Земена е мерка за вратите по училниците и кабинетите кои беа урнати, искршени и трајно оштетени, вели Кокалевска.

Претходно преку лични врски и контакти на новото раководство беа обезбедени екипи да го санираат проблемот со парното греење во школото кое протекуваше и недоволно грееше.