-Денеска имаме можност да го видиме реконстураниот затвор во Битола, што чинеше околу 1 милион евра , а европските фондови спонзорираа околу 700 илјади евра. Претходно никогаш не бев овде,  но имам информација дека условите биле катастрофални за разлика од сега. Работите се во финална фаза и наскоро затворениците ќе можат да се вратат овде. Многу е важно овој објект да се одржува за да остане таков каков што е, рече Фрек Јанмат, шеф на одделот за економска работа при Делегацијата на ЕУ

За да се подбрат условите се намалува капацитетот за притворенците, а се преполовува и бројот на затвореници. Нов изглед добиваат и заедничките простории, покрај библиотеката, трпезаријата и кујната која е направена по ХАСАП систем, сега  има и современа теретана. Инсталиран е нов систем за за греење и ладење, потоа комплетно нов автоматизиран систем за надзор. Нов лик доби и администратвната зграда.

-Со реконструкцијата на затворот во Битола се овозможи подобрување на условите за притворените и затворените лица со имплементирање на сите меѓународни стандарди во работата на затворската управа. Притворскиот дел од овој затвор беше со деградирачки и нечовечки услови, кое после реновирањето доби целосно нов излглед. Градежните активности се квалитетно извршени, со што затворот претставува една современа казненоно-поправна установа, во која освен што се исполнети безбедносните услови опфатени се и сите компоненти за почитување на правата на осудените лица и спроведување на процесот за успешна ресоцијализација, изјави Јовица Стојановиќ, директор на Управата за извршување санкции.

Претставникот на ЕУ, Јанмат рече дека ЕУ работи на подобрување на условите и во други казненоно поправни установи во државата, што е обврска со отпочнувањето на преговарачкит процес.

-Затворениците мора да бидат третирани спорд законски стандарди, треба да им се овозможат активнoсти кои ќе ги ресоциајлизираат во општествотo. Во Македонија се уште имаме заvтори кои не ги задовoлуваат тие стандарди, како и недоволно обучен кадар, но работиме на промена на таа состојба. Загрижени сме за условите кои шо постојат, дури би рекол дека се нехумани и загрижувачки. Со почетокот на преговорите на ЕУ, што ќе биде многу скоро, се надеваме дека овие услови ќе сe променат. ЕУ долго време инвестира во затворскиот систем во државата, рече Јанмат