Во Битола наврнаа 36 литри дожд на метар кавдратен за 15 минути, вечерва кризен штаб

Јули 04, 2020

Според УХМР во невремето што вечерва ја зафати Битола наврна дожд од над 36 литри на метар квадратен за 15 минути. Надојдената вода, посебно во пониските делови од градот, не можеше да ја прими атмосферската канлизација и дел од улиците се поплавија. На социјалните мрежи има фотографии на кои возилата до половина минуваат низ попладвените улици, поплавени визби, гаражи, дворови и други објекти. Но, поради поплавените улици и обилните врнежи сообраќајот вечерва во Битола се одвиваше забавено. 

 
„Ваква количина на дожд не паднала во изминатите десет години. Од невремето беше зафатена половина Битола. Надојде многу вода и канлизацијата беше немоќна да ја собере. Најризично беше во Јени Маале каде веќе е исцедена водата од улиците, како и на патот М5 на влезот од Битола, каде можно е да има затнати сливници. Но, нашите екипи се на терен и се преземаат мерки за нормализирање на состојбата“, рече Методија Силјановски, директор на Јавното претпријатие „Нискоградба“ од Битола за Апла.мк.
Вчерва во Општина Битола ќе се одржи и кризен штаб за да се согледаат евентуални штети и неопходни мерки за преземање. 
 
Силно невреме со обилни врнежи дожд и град ја имаше зафатено Битола и пред два дена, кога Општината испрати јавен повик до земјоделците да пријават доколу имаат штети од невремето. 
 
 
Сподели

Login to your account

Username *
Password *
Remember Me
© 2021 АПЛА.мк. Сите права се задржани