На социјалните мрежи се пренесува порака која наводно е од вработен во Општина Битола дека негова била  идејата како декоративен елемент во новогодишниот амбиент да се испише пораката „здравје“. 

Во пораката  вработениот пишува: „Почитувани битолчани, жебата за здравје  во 2021 година ја поставив јас , а ако мислите дека имаме поголема желба од оваа, слободно кажете, уште утре ќе ја отстранам . Се извинувам  ако со оваа желба на некого му предизвикав други мисли или намери“. 

Се работи за електроинженер, познат меѓу битолчани како вреден работник, за што сведочат и коментарите под пораката дека е вреден и дека  е достапен за граѓаните 24/7. Со оглед на тоа дека вработениот чија порака се шири преку социјалните мрежи е електроинженер, останува нејасно кој работник на терен ја поставил пораката и која ја изработил сите букви да се големи освен една?

Декоративниот елемент ЗДРАВјЕ предизвика коментари на социјалните мрежи во кои се обвинува за неписменост, па дури и асоцијации со други јазици од соседството. 

Од општина Битола одговорија дека е техничка грешка на лицата вклучени во украсувањето, дека не е решение одобрено од Општината и го повлекоа украсот.