-Долго време овој простор целосно беше запуштен, а денес ќе се расчистува во акција на сите јавни притпријатија во синхронизација со општината. Граѓаните во изминатиот период укажаа дека овој простор ваков каков што е им пречи. Нашата намера е цела седмица да имаме низа акции, а ќе бидат чистени депонии кои што се наоѓаат на територијата на градот, ќе бидат зарежувани дрвца, а ќе бидат засадени и нови садици во паркот но и на други локации во градот. Не сакаме доаѓањето на пролетта да го означиме само со една акција во еден ден, туку потребно е да имаме активности постајано на терен. Училиштата ќе го одбележат почетокот на пролетта со свои активности во соработка со ЈП „Комуналец“. Како ќе се органиираат, оставаме на нивната креативност, а нераскинлив дел од овој процес е будењето на свеста особено кај младите, дека одржувањето на животната средина и хигиената е нешто што треба постојано да го правиме и свеста треба да ни биде на високо ниво, изјави Наташа Петровска, градоначалник на Битола

Од ЈП „Комуналец ги повикаа сите граѓани да пријавуваат депонии со гломазен отпад,.

-Во рамките на оваа акција ЈП „Комуналец“ ги поканува граѓаните да пријавуваат локации каде има гломазен отпад, мебел , електро и елктронски отпад. Оваа акција ќе се одвива подолго и постојано ќе имаме соработка со граѓаните во таа насока, рече Панде Богоевски, директор на ЈП „Комуналец“