Натрупаните долгови на општините во областа на образованието, културата и социјалната заштита ќе се враќаат со пари од државната каса. Ваква одлука донесе синоќа Владата на седница на која беше усвоен предлог Ребалансот на Буџетот на РМ за 2018 година. Со ова,  најголема алокација на средства со Ребалансот,  има токму за општините, за кои се обезбедува финансиска поддршка  во висина од 3,020 милијарди денари, односно 50 милиони евра, со цел намалување на доспеаните, а неплатени обврски. 

Владата ќе се задолжи во име на општините со нов кредит од 120 милиони евра за враќање на старите долгови. Со тие пари ќе се исплаќаат обврските кон добавувачите, а општините ќе го враќаат кредитот на подолг рок од 15 до 20 години, со пониски каматни стапки.