Заменик министерката за образование Елизабета Наумовска денес го отвори новиот кабинет опремен со софистицирани софтвери и друга компјутерска опрема за градежно-геодетската струка во СОУ „Таки Даскало“ во Битола. Новиот кабинет ќе го користат 60 ученици од прва до четврта година со што ќе се обучат компјутерски по најсовремени програми да изработуваат прокети од нивната област.

-Гледајќи ја состојбата во образовните установи во различни општини, Битола  долго време беше запоставена од претходнаа власт во однос на капитални инвестиции и во однос на средства што се наменуваа за реконструкции и опремување на училиштата.

Елизабета Наумовска, актуелен директор на СОУ „Таки Даскало“  од Битола ќе биде новиот заменик министер за образование. Ова го најави претседателот на СДСМ и премиер, Зоран Заев,  вечерва по седницта на Централниот одбор.

Во меѓународен проект заедно  со наставници и ученици од Норвешка, Финска, Италија, Франција и Германија, наши професори и гимназијалци од  СОУ„Таки Даскало“ од Битола учат што е одржливост и што значи да се биде активен граѓанин. Стекнатите искуства оваа недела беа претставени на презентација во Гимназијата.

Гордана Јордева, наставник и координатор на проектот вели дека во заедничкиот меѓународен проект целта е нашите млади да научат што е одржливо живеење на локално ниво наспроти  глобализацијата во светски рамки.

Дел од превозниците опфатени со бесплатниот школски превоз, преку нотар  им испратиле  на средните  општински училишта  во Битола решенија за наплата на фактурите за извршените услуги.

Училиштата пред извесен период прекинаа да им ги плаќаат фактурите на превозниците и ангажираа адвокат кој ќе ги застапува на суд.

-Согласно измените што се направени во Законот за сообраќај и превоз на патници , а се применуваат од 3 септември 2018 година, ( а со Одлука на Совет од 31 јули 2018) сите патници се изедначени, што значи и ученикот е патник. Ова подразбира дека е нелогично учениците да плаќаат неколкупати поскап билет за превоз од секој друг патник кога сите се возат заедно во ист автобус. Дел од превозниците во фискалните сметки од неодамна вметнуваат 47 проценти попуст со што наведената  цена од 76 денари на релација Битола-село Кравари ја сведуваат на 40 денари, а на училиштата им фактурираат цена од 76 денари, што е неприфатливо. Нелогично е за иста услуга да се плаќаат различни цени на билетите, вели директорот на СОТУ „Ѓорѓи Наумов“-Битола, Владимир Роме.

Директорката на СОУ „Таки Даскало“ Елизабета Наумовска смета дека неправедно е учениците кои се возат во истите автобуси во јавниот превоз години назад да бидат третирани различно од другите патници, дотолку повеќе што со таквите високи цени беше предизвикан  финансиски колапс на училиштата, што како состојба ја затекнаа новите раководства  при преземањето на локалната власт.