За дел од проектите и инвестициите реализирани во повеќе области, а истовремено и решавање на затекнатите проблеми и санирање на претходните долгови, информираше на денесата прес конференција градоначалничката на Општина Битола, Наташа Петровска.

Република Албанија отвори Почесен конзулат во градот на конзулите, Битола. Ова е тринаесетти конзулат што се отвора во новата битолска историја. Конзулатот е сместен на Широк Сокак каде што се наоѓаат и дел од другите конзулати,а за почесен конзул е назначен Имер Селмани, поранешнен вицепремиер и екс министер за здравство, како и кандидат за претседател во 2009 година од партијата Нова демократија кога беше наречен и македонски Обама зашто покрај Албанците привлече и македонски гласачи.

На 17 октомври во далечната 1944 година група хумани жени, полни со ентузијазам и верба дека ќе го променат светот на подобро, го формираа битолскиот одбор на Антифашистичкиот сојуз на жените на Македонија. На чело на групата беше Анча Ристевска, голем активист за човекови права, а и се придружиле Вангелика Поповска од Бистрица, Даница Хаџипопова и Константина Пулевска од Битола.

Општината вложи над 820 000 денари во отворање на три занимални во три различни градинки при ЈОУДГ „Естреја Овадија Мара“ во Битола. Со занимални се подновија градинките „Колибри“ во населба Стрелиште, „Вангел Мајоро“ во Кланица и „Росица“ во Буковски Ливади.