Занималните се комплетно опремени со потребниот инвентар од масички, креветчиња, столчиња, шкавчиња, теписи и послетлнина. Обезбеден е кадар од воспитувачи и негователи кои ќе работат со 75 дечиња, а можно е и до 90, за колку што ќе се намали листата на чекање за во градинка.

„Покажуваме дека за она што го ветивме во намалување на бројот на незгрижени дечиња, кои години наназад сме го имале во нашата општина, го исполнуваме. Наша тенденција е во периодот кој што следува да се згрижат што повеќе деца. Имаме целосно зацртана траса како ќе се движиме, го имаме правиот пат. Во моментов се изготвува проектната документација за новата градинка во делот на Касарната и просториите кои ќе ги добиеме во Домот за доенчиња ќе бидат простории наменети за згрижување на деца во градинките“, рече градоначалничката Наташа Петровска.

Во инвестицијата помогна и ЈОУДГ „Естреја Овадија Мара“ обезбедувајќи дидактички материјали и играчки за сите девет градинки што се во нејзин склоп.

„По отворањето на фабриката Пролет 1 во село Кравари, денешниот ден е многу голем за нашата установа. Имајќи ја во предвид голема бројка на деца запишани на листа на чекање и фактичката состојба дека имаме три празни, нефункционлани занимални не знам од кои причини тоа било така до сега, се обратив до градоначалничката и веднаш несебично ја изрази својата поддршка за потребите на најмилите“, рече директорката Лидија Тфирст Митревска.

Во изминатите две години Општината во градинките на „Естреја Овадија Мара“ вложила над 8 милиони денари.

„Имајќи во превид во каква очајна состојба ги затекнавме, можам да кажам дека е фрапантно подобрена сликата. Променети се состојбите во толалетите, кровните конструкции, она што беше запоставувано со години. Промената сега е видлива. Има што да се работи уште, зашто со години овие објекти биле оставени на забот на времето“, рече Петровска.

Ж.З.